主页 > J时生活 >《 Pokémon Let’s Go 》推出 一齐回顾初代 >

《 Pokémon Let’s Go 》推出 一齐回顾初代

2020-06-10 999评论
《 Pokémon Let’s Go 》推出 一齐回顾初代

Pokémon 嘅设计概念是源自于游戏设计师田尻智嘅童年回忆,佢细个嗰阵嘅兴趣就係收集昆虫。但随住佢嘅家乡因为城市化令到昆虫嘅数量持续递减,加上愈嚟愈多细路都比较锺意留返喺室内玩,冇乜意慾出街玩,所以佢设计咗一款类似捕捉昆虫为主题嘅 Game —— Pokémon 。他希望玩嘅人可以透过为小精灵改名、对战嚟舒缓压力。喺 Pokémon 嘅世界小精灵只会失去战斗能力,并唔会喺对战期间流血甚至死亡,因为田尻智唔希望喺游戏世界里面充满无意义嘅暴力。喺 Game Boy 发售后,田尻智发现 Game Boy 嘅系统同自己嘅想法非常吻合,特别係可以利用连接线通讯,咁就实现到玩家之间可以交换自己想要嘅小精灵。交换资料嘅概念喺当时游戏界仲係一个几创新嘅谂法,本来连接线嘅用途剩係得对战。

《 Pokémon Let’s Go 》推出 一齐回顾初代

田尻智

游戏嘅主角「小智」係以田尻智本人命名,而「小智」嘅劲敌「小茂」係以任天堂游戏开发者、佢嘅好朋友 —— 宫本茂命名。田尻智嘅另一位朋友、插画家杉森建就负责 Pokémon 嘅美术设计。当时佢带领一个 10 人团队设计咗 151 款小精灵,并且亲自以唔同嘅角度绘製小精灵。游戏里面嘅所有音效就由增田顺一负责,佢利用 Game Boy 嘅 4-bit 音频写咗游戏嘅 BGM ,同时亦设计咗小精灵嘅叫声。

《 Pokémon Let’s Go 》推出 一齐回顾初代

宫本茂

《 Pokémon Let’s Go 》推出 一齐回顾初代

杉森建

《 Pokémon Let’s Go 》推出 一齐回顾初代

增田顺一

「 Pokémon 赤.绿 」可以话得到空前嘅成功,因为推出双版本,两个版本会有独有嘅小精灵,吸引唔少玩家都「 Why not both? 」,买哂两个版本,销量极速攀升,之后仲推出咗两款特别版《 Pokémon 蓝》(英文版係以 Red/Blue 为主销售版本)同《 Pokémon Pikachu 》(俗称黄版),呢两个版本都换咗美术设计、修复咗游戏错误、加咗啲新对白。为咗可以令到 Pokémon 更有话题性,田尻智公开讲 Pokémon 其实有一只隐藏嘅小精灵——梦梦,佢认为「创造神秘嘅谣言可以令游戏长期得到关注」。

实际上梦梦其实係由森本茂树设计,因为卡带嘅容量不足令梦梦冇办法之下被放弃,但佢又唔忍心自己嘅创作付诸流水,所以就瞒住田尻智,透过清除游戏嘅错误腾出空间,偷偷将梦梦加入游戏。本来梦梦只可以透过任天堂嘅官方活动先攞到,但喺 2003 年,一个游戏错误被疯传,令所有玩家都可以轻易收服梦梦。(嗱,我唔係讲紧咩上太空,只係讲紧真係一个好简单嘅 bug ,实际係点攞自己 Google 啦 ww )

《 Pokémon Let’s Go 》推出 一齐回顾初代

森本茂树

《 Pokémon Let’s Go 》推出 一齐回顾初代

喺《 Pokémon Let’s Go 》里面收服梦梦就直接好多,课金就得 ww。留意返,一个 Pokéball Plus 只係得一只梦梦,唔好咁傻猪以为可以无限刷梦梦!

《 Pokémon Let’s Go 》推出 一齐回顾初代



热门
推荐